Полициски службеници од Регионалниот центар за гранични работи „Југ“ денеска на граничните премини „Богородица“ и „Меџитлија“ во соработка со волонтери од Црвениот крст на РСМ спроведоа превентивна акција за безбедното патување во летни услови.
Како што информираат од Министерството за внатрешни работи полициските службеници им укажувале на патниците при влез во земјава за потребата од внимателно и одговорно возење и со оглед на високите дневни температури пожелно одмарање во насока на избегнување на влијанието на температурите како ризик од можни сообраќајни несреќи. Заедно со волонтерите од Црвениот крст покрај совети на патниците им делеле вода како и едукативни повеќејазични летоци со информативни содржини инаку подготвени од РЦ за ГР „Југ“.
-Ваквите и слични активности ќе продолжат и во наредниот период дотолку повеќе што се очекува натамошно зголемување на фрекфентноста на сообраќајот преку граничните премини, информираат од МВР.
