Ракометната федерација на Македонија (РФМ) најави официјален приговор до Европската ракометна федерација (ЕХФ) и Ракометната федерација на Грција поради начинот на кој македонската репрезентација била означена за време на телевизискиот пренос од натпреварот во Халкида.
Во преносот од дуелот меѓу Грција и Македонија, наместо вообичаената ознака за нашата селекција, била употребена кратенката „НМКD“, што предизвика реакција од македонската ракометна федерација.
Од РФМ оценуваат дека ваквото означување е несоодветно и неприфатливо и најавуваат дека ќе побараат случајот да биде разгледан од надлежните ракометни институции.
„Македонската куќа на ракометот“ очекува реакција од ЕХФ и Ракометната федерација на Грција, како и преземање мерки со цел вакви ситуации да не се повторуваат на идните меѓународни натпревари.
Реакцијата на РФМ доаѓа по натпреварот во Халкида, во кој македонската репрезентација загуби од Грција со 29-24 во второто коло од квалификациите за Европското првенство во 2028 година.
