За 14,5 денари се зголемува цената на Еуродизелот, а на бензинот за 5 денари. Ова го одлучи денеска Регулаторната комисија за енергетика.
Па така од вечер на полноќ дизелот ќе се полни по цена од 85,50 денари, а Еуроспупер БС-95 за 79,50. Бензинот БС-98 за 81,50 денари за литар
Зголемени се и малопродажната цена на екстра лесното масло за домаќинство на (ЕЛ-1) за 12,50 ден и сега е 82,50 денари и на мазутот М-1 НС за 7,044 ден за килограм и сега ќе изнесува 42,586 ден/кг.
Ова рекордно високо зголемување на цените е последница на војната во Иран поради што светските енергетски пазари се под силен удар, при што референтната цена на суровата нафта брент достигна околу 104 долари за барел.
Викендов некои бензински пумпи во Македонија или не работеа со објаснување дека се чистат резервоарите или пак дека снемале струја, а додека некои воведоа ограничување колку гориво може да се наточи одеднаш. Граѓаните, тоа, особено оние кои затвораа или прегласуваа недостиг на гориво, го осудија како злоупотреба во време на криза.
Премиерот Мицкоски е дециден дека нема простор за паника, оти државата има доволно резерви на нафта, а доколку е потребно владата ќе интервенира за да нема големо покачување на малопродажните цени.
