Вработените во грчкиот Фонд за социјално осигурување ЕФКА и судските службеници низ цела земја денес штрајкуваа и ја прекинаа работата со барање за поголема безбедност и подобри услови за работа по вчерашната серија вооружени напади во Атина, во кои беа повредени пет лица.
Нападите ги изврши 89-годишниот Панајотис К. Кој вооружен со пушка влезе прво во зградата на ЕФКА и пукаше во едно лице, а потоа и во Апелациониот суд и застрела 4 жени, откако грчките пензиски служби со години не му дозволувале да добива грчка пензија бидејќи имал пензии од Германија и од САД кадешто работел претходно.
Разбеснетиот одмазник планирал да лета кон Стразбур за таму да го бара своето право на пензија, но беше уапсен од полицијата во хотел во Патра каде требало да го чека летот до наредниот ден.