Дел од жителите на Скопје денес ќе останат без електрична енергија и вода поради планирани технички активности на енергетската и водоводната мрежа, информираат ЕВН Македонија и ЈКП „Водовод и канализација“.
Според најавата на ЕВН Македонија, без електрична енергија ќе бидат корисниците на улиците „Стојна Стефкова“, „Јајце“ и „Ордан Чопела“ во Општина Гази Баба, каде ќе се изведуваат работи во трафостаниците 4 и 5.
Прекин во снабдувањето со електрична енергија ќе има и на улицата „Корџевска“ во населбата Драчево, во Општина Кисела Вода, поради активности на електродистрибутивната мрежа.
Од ЈКП „Водовод и канализација“ информираат дека поради поставување регулатор за притисок на водоводната мрежа со пречник од 150 милиметри на улицата „Призренска“, без вода од 8:30 часот до завршување на работите ќе останат дел од корисниците на улиците „Призренска“ и „Кучевишка Бара“ во Општина Чучер Сандево.
Дополнително, поради изведување водоводен приклучок со пречник од 125 милиметри на улицата „Ванчо Мицков“ број 27, прекин во водоснабдувањето од 9:00 часот до завршување на активностите ќе имаат дел од корисниците на улиците „Ванчо Мицков“ и „Демир Трајко“ во Општина Карпош.
Надлежните апелираат до граѓаните да имаат разбирање и навреме да ги планираат своите обврски до нормализирање на снабдувањето.
