Неколку села во Студеничани денеска без струја до попладневните часови

Жителите на повеќе населени места во Општина Студеничани денеска ќе останат без електрична енергија поради најавен прекин во снабдувањето, информираат од Општината.

Според известувањето од ЕВН Македонија, прекинот ќе биде во периодот од 08:30 до 15:30 часот.

Без електрична енергија ќе останат корисниците во селата Вртекица, Пагаруша и Рамни Габер, како и жителите на Долно Маало во населеното место Долно Количани.

Од Општина Студеничани ги повикуваат граѓаните навреме да ги организираат своите обврски и активности, имајќи го предвид планираниот прекин.