Почна да се гради мега паркот во Бутел

Денеска почна изградбата на мега парк во Бутел. Планирано е запуштениот простор долж булеварот Христијан Тодоровски Карпош да прерасне во модерен и функционален зелен простор – мега парк со богати зелени површини, плоштад, детски катчиња, пешачки патеки и фитнес зони, со содржини наменети за сите возрасти, кој ќе се простира на површина од 8.000 м2.
Градоначалникот на Скопје најави и дека наскоро ќе се изгради кружен тек на крстосницата меѓу улиците Бутелска и Александар Урдаревски, како дел од стратегијата за уредување на 50 критични крстосници низ Скопје.