Рускиот амбасадор во Соединетите Американски Држави, Александар Дарчиев, ненадејно почина на 67-годишна возраст, соопшти руското Министерство за надворешни работи.
Во соопштението, објавено на Телеграм каналот на министерството, се наведува дека Дарчиев починал на 11 ноември, а руската дипломатија изрази длабоко сочувство до неговото семејство и блиските.
Според руската агенција Интерфакс, Дарчиев беше дипломат со долгогодишна кариера и значајно искуство во руската надворешна служба. Во Министерството за надворешни работи на Русија работел од 1992 година, извршувајќи повеќе функции во централата на министерството и во дипломатските претставништва во странство.
Од 2014 до 2021 година ја извршуваше функцијата амбасадор на Русија во Канада, а од март 2025 година беше именуван за руски амбасадор во Соединетите Американски Држави.
Засега не се соопштени дополнителни информации за причината за неговата смрт.
