Пак ни доаѓа врнежлив период, дневните температури до 17-тиот степен

Од среда повторно влажен бран со пониски температури во Македонија. Ќе има зголемена облачност со повремени врнежи од дожд во поголем дел од државата, а ќе дува и слаб до умерен ветер претежно од северен и од североисточен правец. И во Скопје и околината од средината на оваа седмица ќе биде врнежливо. Што се однесува до температурите, тие остануваат да бидат малку под просекот за овој период од годината. Наутро температурите ќе се спуштаат во интервалот од 5 до 11 степени, а преку ден пак тие ќе се искачуваат до 17-тиот степен.