На конференцијата во Сан Франциско во 1947 година, на денешен ден, беше усвоена одлука како Ден на Организацијата на Обединетите Нации (ООН) да се обележува датумот на стапување во сила на Повелбата – 24 октомври, што претходно беше потпишана на 26 јуни 1945 година.
Генералниот секретар на ООН, Антонио Гутереш, по тој повод, оцени дека Организацијата чија цел е светскиот мир, односно меѓународната соработка со цел постигнување општа благосостојба, се наоѓа пред нови предизвици.
„Осум децении подоцна, може да се повлече директна линија помеѓу создавањето на Обединетите нации и спречувањето на Третата светска војна“, рече Гутереш и додаде дека и и денес, под покровителство на ООН, обезбедено е присуство на илјадници припадници на мировни сили во 11 кризни жаришта ширум светот, со речиси 30 договори за разоружување, како и отстранување на над 55 милиони мини. Од основањето до денес, ООН биле и се единствена институција со мисија за договарање, унапредување на мирот, спроведување на одржлив развој и заштита на човековите права, со примарна цел да помогнат во завршување на ужасите на војната и обезбедување одржлив мир.
МОЖЕБИ ЌЕ ВЕ ИНТЕРЕСИРА: