Општинска поддршка за краткометражни филмови од основци за Карпош

Проектот „Општината низ детскиот објектив“, каде што основците ќе креираат краткометражни филмови, кои ќе бидат презентирани во Деновите на Општината, доби поддршка од Советот на Карпош.

Следната учебна година при прославата на јубилејната годишнина на Општината, учениците од сите десет основни училишта освен на ликовната колонија, училишните спортски лиги, натпреварите по математика, ќе се натпреваруваат и преку режирање, креирање и создавање на филмови за Општина Карпош.