Од вечерва чадорите во рака, следува седмица со многу дожд

Од вечерва на територијата на цела Македонија дождови ќе го заменат сонцето и ведрото време што го имавме минатата седмица.
На многу места во државата оваа седмица ќе наврне многу дожд, што може да доведе и до излевање на реките во некои региони.
И во Скопје и околината следува период на нестабилно и ветровито време со чести и обилни врнежи од дожд.
Температурите пак, поради изразеното јужно воздушно струење ќе бидат натпросечно високи за овој период од годината.