Скопјанка од концерт во Културно информативниот центар во Скопје завршила вчера во болница. И паднала на глава решетка од вентилација која била монтирана на таванот.
Од МВР информираа дека од Ургентен центар при Комплекс клиники „Мајка Тереза” Скопје е пријавено дека кај нив била донесена 46-годишна скопјанка, која се здобила со телесна повреда околу 22:00 часот за време на концерт во КИЦ, кога врз неа од таванот паднала решетка од вентилација.
Од полицијата преземаат мерки за расчистување на случајот.
