В.д. директорите ќе можат да останат на функција најмногу шест месеци, а потоа задолжително ќе мора да биде распишан јавен оглас за избор на раководител. Ова е една од клучните промени во Законот за висока раководна служба, чија примена почнува на 1 октомври.
Законот воведува и построги критериуми за избор на раководните лица во институциите. Управните одбори, пак, ќе бидат намалени и ќе можат да имаат најмногу три члена. Министерот за јавна администрација Горан Минчев изјави дека Владата е подготвена веднаш да почне со спроведување на новите правила.
Од околу 100 раководни позиции опфатени со законот, за дваесетина веднаш ќе бидат распишани јавни огласи. Планот е постапките за нивниот избор да завршат до крајот на годинава.
Поврзани вести:
МОЖЕБИ ЌЕ ВЕ ИНТЕРЕСИРА: