Регулаторната комисија за енергетика со денешната одлука ги зголеми малопродажните цени на нафтените деривати во просек за 4,85%.
Малопродажните цени на бензините ЕУРОСУПЕР БС-95 и ЕУРОСУПЕР БС-98 се зголемуваат за 4,50 ден/лит, и новите цени се 91,50 односно 93,50 ден/лит.
Малопродажната цена на ЕУРОДИЗЕЛ (Д-Е V) се зголемува за 6,50 ден/лит и од полноќ литар ќе се продава за 98,00 денари.
Цена на Екстра лесното масло за домаќинство (ЕЛ-1), се зголемува за 6,00 денари и литар ќе чини 98,50 денари, додека минимално зголемување има кај мазутот кој ќе се продава за 43,726 ден/кг.
ТАБЕЛА
Член 1 (1) Највисоките малопродажни цени на нафтените деривати и горива за транспорт, изнесуваат:
– Моторен бензин – ЕУРОСУПЕР БС – 95 – 91,50 (денари/литар)
– Моторен бензин – ЕУРОСУПЕР БС – 98 – 93,50 (денари/литар)
– Дизел гориво – ЕУРОДИЗЕЛ БС (Д-Е V) – 98,00 (денари/литар)
– Масло за горење – Екстра лесно 1 (ЕЛ-1) – 98,50 (денари/литар)
– Мазут М-1 НС – 43,726 (денари/килограм)
