Вчера пак многу се покачија на цените на горивата. Ова беше по малку изненадувачко, оти цените на берзата не се толку високи како при минатонеделното покачување. Но, сега се отвора прашањето, дали маркетите ќе не изненадат со ценовен шок?
Искуството за жал покажува дека кај нас цените на производите често растат веднаш штом ќе поскапи нафтата, но ретко кога се намалуваат кога таа поевтинува. Токму затоа постои реална опасност трговците на храна да избрзаат со нови поскапувања, без вистинска економска основа и пред да се почувствува реалниот ефект од растот на горивата.
Да, транспортот е важен фактор во цената, но не е единствениот. Не смее секое поскапување на дизелот автоматски да значи поскапување на секој производ на рафтовите. Затоа, потребно е трговците да не брзаат и да не реагираат профитерски.
Од друга страна, мора да побрза Владата. И тоа за две работи. Да бара начин да се намалат цените на горивата. Нели најавуваа дека имаат сет на мерки, кои ќе ги активирале кога ќе било потребно? Епа, еве потребно е да е реагира уште денеска и да интервенира во методологијата за пресметување на малопродажните цени на горивата, да се откаже од дел од средствата кои ги наплаќа државата од секој литар продадено гориво, со цел тие веднаш да се намалат или барем да се ублажи ценовниот притисок.
Паралелно, министрите треба да побрзаат и со засилени инспекции, контрола на маржите и јасна порака до трговците во маркетите дека нема да се толерира неоправдано поскапување.
Доста е од праксата – граѓаните се да преплатат.
