Нова детска градинка во населбата дексион во општина Ѓорче Петров

Нова детска градинка почнува да се гради во населбата Дексион, општина Ѓорче Петров. Како што појаснија од Општината, предвидено е да се состои од приземје плус еден кат. Капацитетот е шест групи на деца во различни возрасни категории. Рокот за завршување е две години од денот на воведување во работа.
На официјалното започнување на градбата на градинката присуствуваше и премиерот Христијан Мицкоски.
Тој кажа дека во моментов се градат неколку градинки и е убеден дека за многу кусо време од денеска, листата на чекање веќе нема да биде листа
на чекање, туку секое дете коешто ќе сака да оди во градинка, ќе го има.