Нова балада на Владо Јаневски, насловена „Принчипеса“, е веќе достапна на радио „Бубамара“ и на неговиот Јутјуб канал. Јаневски е автор на музиката и текстот, додека аранжманот го направи хрватскиот музичар Никша Братош, редовен соработник на македонскиот кантавтор. Песната е снимена во студиото на Братош во Загреб.
„Принчипеса“ претставува најавна песна за заедничкиот концерт на Владо Јаневски и Бајага, кој ќе се одржи на 14 февруари во салата „Борис Трајковски“ во Скопје, во организација на продукцијата Авалон.
На неодамнешната прес-конференција во Скопје, Јаневски раскажа како започнала неговата соработка со Момчило Бајагиќ – Бајага.
„Кога го посетив Бајага, имав подготвено само две-три песни и ми беше потребна помош како млад пејач. А кој друг би ми помогнал ако не најголемата ѕвезда? Бајага и јас сме пријатели со години, имаме слична возраст, но тој започна многу порано и веќе имаше искуство. Тој ми дозволи да ја изведам песната ‘Твоите очи’ од Здравко Чолиќ, која ја напиша сам“, рече Владо Јаневски.
Во 2025 година, Јаневски објави албум за хрватскиот пазар со 16 нови песни, во издание на Менарт.
„Со текот на времето собирав многу песни на македонски јазик. Бидејќи секогаш ми било лесно да учам нови јазици, решив да ги преведам текстовите на хрватски, да снимам нови верзии и да ги понудам на издавачките куќи“, додаде кантавторот.
Кликнете на линкот да ја чуете песната:
Vlado Janevski – PRINČIPESA (lyrics) 2026
