Музичка младина на Македонија продолжува со концертниот циклус „Слободна среда“, во рамки на програмата „Млад музички албум“, со нов концерт што ќе се одржи во среда од 20 часот во Музејот на македонската борба во Скопје.
Во програмата ќе настапат 15 млади музичари од Скопје, Штип, Битола и Струмица. Публиката ќе има можност да проследи разновиден репертоар со дела од познати композитори како Бах, Моцарт, Бетовен, Сати и Лист, изведени на повеќе инструменти. Влезот за публиката е слободен.