По ремито против Белгија, селекторот на Македонија, Благоја Милевски за медиумите изјави:
„Нема што да жалам за резултатот, Македонија покажа дека може да се носи со најдобрите во Европа. Нашата репрезентација во последно време функционира како тим и доказ се последните резултати. Но, мораме се да оставиме зад нас бидејќи за два дена не чека Казахстан. Кога имате пред себе противник како Белгија која е фаворит број еден во нашата група составена од играчи кои се меѓу најдобрите во светот секако дека претставува задоволство за тоа како изгледаше Македонија вечерва. Не можам да бидам незадоволен од тоа како изгледавме. Но, морам да повторам дека нема да ми значи ништо овој резултат ако не одиграме како што треба во понеделник со Казахстан. Затоа мора максимално да се сконцентрираме за тоа што не чека“.
Следниот меч Македонија ќе го игра во понеделник. Милевски ќе го следи натпреварот од трибините, заради добиениот црвен картон на натпреварот со Белгија.
