Главниот обвинител на Меѓународниот кривичен суд, Луис Морено Окампо му порача на Доналд Трамп дека уништување на на електрани претставува воено злосторство.
Ова негова изјава доаѓа по заканата на американскиот претседател за уништување на иранските електрани, доколку Техеран не го отвори Ормутскиот теснец.
Обвинителот Окампо појасни дека постои преседан што ги забранува ваквите напади, освен ако објектите немаат јасна воена намена. Според него, државите често се обидуваат да ги оправдаат нападите тврдејќи дека тие објекти финансираат воени структури, но и покрај тоа тие се сметаат за цивилни поради нивната клучна улога во снабдувањето со енергија.
Како пример, Окампо ги наведува налозите за апсење што Судот ги издаде во 2024 година против рускиот министер за одбрана и началникот на армијата поради напади врз енергетската инфраструктура во Украина.
Претходно, по заканата од Трамп до Иран да го отвори Ормутскиот теснец во рок од 48 часа или ќе следува воена интервенција врз иранските енергетски капацитети, официјален Техеран соопшти дека низ теснецот се плови нормално, освен за бродови на непријателските држави.