Мавровското Езеро и водотеците на територијата на Националниот парк „Маврово“ добија нов рибен подмладок во рамки на редовните активности за обновување на рибниот фонд.
Според информациите од Националниот парк, во водите се пуштени вкупно 400 килограми риба – 200 килограми пастрмка и 200 килограми крап, согласно Годишниот план за порибување.
Од управата на паркот посочуваат дека порибувањето е дел од континуираните мерки за зачувување на биолошката разновидност и одржување на природната рамнотежа во водните екосистеми.
„Заштитата на водите и рибниот фонд е заедничка одговорност. Со почитување на правилата и одговорно однесување придонесуваме за зачувување на природното богатство на Националниот парк“, наведуваат од НП „Маврово“.
Воедно, од утре ќе стапи во сила и двомесечна забрана за риболов на крап (Cyprinus carpio) во рекреативната зона на Мавровското Езеро.
Забраната е донесена со одлука на ресорниот министер, по иницијатива на управата на Националниот парк, и ќе важи до 31 декември 2026 година.
Од Националниот парк објаснуваат дека мерката има за цел новопорибените единки успешно да се приспособат на природните услови, да се размножуваат и да придонесат за долгорочно обновување и зачувување на рибниот фонд во езерото.
