Ќе влезе ли Словенија во политичка криза: Изборите завршија без јасен победник, следуваат тешки преговори за формирање влада

По вчерашните избори во Словенија ниту една партија нема доволно пратеници самостојно да формира влада. Изборната трка се водеше меѓу актуелниот премиер Роберт Голоб и поранешниот Јанез Јанша, но вистинската битка за нив допрва почнува – во преговорите.
За парламентарно мнозинство потребни се 46 пратеници.
Владејачката партија освои 29 мандати, а опозициската еден помалку, што значи дека без коалиции нема власт. Дали Словенија ќе добие нова влада или ќе влезе во политичка криза ќе зависи од неколкуте помали партии што освоија по 5-6 пратеници.