Италија е погодена од петтиот топлотен бран ова лето, а на југот и на островите температурите надминуваат 44 Целзиусови степени. Во централните и јужните делови од земјата температурите се и до десет степени над просекот, додека високата влажност дополнително го зголемува чувството на жештина.
Екстремно топли се и ноќите, при што на повеќе места температурата не се спушта под 30 степени. Црвен аларм поради опасност од топлотниот бран е прогласен во девет градови, меѓу кои Рим, Бари, Палермо, Катанија, Месина и Реџо Калабрија. Во Сицилија и Сардинија се измерени температури до 43 степени, а воздушните струи од Северна Африка носат и сахарска прашина кон јужниот дел на земјата. За разлика од југот, во северна Италија се очекуваат силни грмотевици и локално нестабилно време.
Италијанското Министерство за здравство очекува мало намалување на температурите во текот на викендот, но црвениот аларм во сабота ќе остане во шест, а во недела во четири градови. Метеоролозите предупредуваат дека топлото време нема целосно да попушти и дека температурите и во септември би можеле да останат значително над просекот за овој период од годината.
