Милијардерот Илон Маск ќе формира нова политичка партија во САД под името „Американска партија“, еден ден откако спроведе анкета меѓу своите следбеници на социјалната мрежа Икс прашувајќи ги дали е време за независност од двопартискиот систем.
– Со оглед на соодносот 2 спрема 1 во корист на нова политичка партија, ќе имате една!, објави Маск на Икс, додавајќи оти партијата треба „ја врати слободата на народот“.
Најавата за нова политичка партија доаѓа по нарушените односи на Маск со американскиот претседател Доналд Трамп поради Законот за трошоци.
Американска партија, според достапните информации, ќе се залага за намалување на буџетскиот дефицит, дерегулација, слободна трговија и имиграција на висококвалификувани работници.
Маск одигра клучна улога во претседателската кампања на Трамп во 2024 година, донирајќи повеќе од 250 милиони долари, а по изборите беше именуван за специјален советник на претседателот и де факто раководител на новосоздадената Канцеларија за владина ефикасност (ДОГЕ), чија цел беше да се намалат владините трошоци и бирократијата. Тој го напушти ДОГЕ на крајот на мај.