Еден од најзначајните музички настани годинава ќе се одржи на 10 март во концертната сала на Македонската филхармонија, со почеток во 20 часот. Поводот е голем – 60 години музичка кариера на Тихомир Поп Асановиќ.
По шест децении исполнети со креативност и автентичен звук, Поп Асановиќ се враќа во Скопје – градот каде што започна неговата музичка приказна и каде што остави длабока трага во историјата на рок сцената.
Познат како мајстор на Хамонд органата и основач на легендарните бендови TIME и SEPTEMBAR, Асановиќ со години е препознатлив по својот препознатлив звук и влијание што ги надминува жанровските рамки.
На сцената ќе му се придружат низа истакнати музичари: Влатко Стефановски, Рамбо Амадеус, Амир Гвиртцман, Јани Модер, Јован Маљоковиќ, Драги Јелиќ, Карин Земљиќ, Јан Стефановски, како и други специјални гости.
Организаторите најавуваат вечер исполнета со енергија, емоција и ретка можност публиката во живо да го доживее звукот што со децении го обликуваше рокот на овие простори.
Влезниците се достапни преку mktickets.mk и karti.com.mk.
