Таа има две посвоени деца, Декстер и Дјук
Легендарната актерка Дајана Китон почина во саботата во Лос Анџелес, на 79-годишна возраст. Добитничката на Оскар, позната по своите улоги во филмовите „Ени Хол“ и „Кум“, засекогаш ја напушти сцената, оставајќи силен белег во светот на кинематографијата. Многу колеги од актерскиот свет, меѓу кои Голди Хоун, Бет Мидлер и Стив Мартин, се збогуваа со неа со изрази на љубов и почит.
Дајана Китон никогаш не се омажила и сама одгледала две деца, кои ги посвоила во 1950-тите. Декстер „Декси“ Китон е родена на 15 декември 1995 година, а Дајана ја посвоила во 1996 година. Нејзиниот син, Дјук Китон, е роден на 8 февруари 2000 година, а посвоен во 2001 година, кога актерката имала 55 години.
– Мајчинството не беше потреба, туку мисла за која размислував многу долго време. Затоа се впуштив во таа авантура, изјавила таа за списанието „Ladies’ Home Journa“ во 2008 година.
Декстер Китон
View this post on Instagram
Откако се омажила во 2021 година, Декстер го зела презимето на својот сопруг и сега се вика Вајт. Таа е во брак со професионалниот возач на тркачки автомобили Џордан Вајт. Двојката ја прославила третата годишнина од бракот овој август на романтичен одмор на Хаваи, каде што, според многумина, изгледале исто толку заљубено како и на денот на нивната венчавка. Интересно е што го поминале и медениот месец на истата дестинација.
Според нејзиниот профил на LinkedIn, Декстер студирала на колеџ во Санта Моника. Таа, исто така, има професионална постдипломска диплома од колеџот „Карингтон“ во Калифорнија, каде што студирала ветеринарна технологија.
View this post on Instagram
Дјук Китон
Дајана Китон некогаш сонувала за пејачка кариера, а се чини дека нејзиниот син сега е на таа патека. Според информациите од неговиот Инстаграм профил, тој е поврзан со музичка издавачка куќа или колектив наречен 11:11 Records.
Во детството, тој бил заинтересиран за фотографија. Според списанието People, еднаш ја фотографирал кошаркарската легенда Коби Брајант додека седел во првиот ред на натпревар. Тој имал и YouTube канал, кој сега е неактивен, но во 2021 година објавил краток клип од играта Call of Duty.
Денес, на 25-годишна возраст, Дјук има и познати пријатели – на Инстаграм објавил фотографии со моделот и актерка Кара Делавин, како и со пејачката Рита Ора.
Богатството на Дајана Китон
Благодарение на успешната актерска кариера во филмови како „Кум“, „Ени Хол“, „Црвено“ и „Татко на невестата“, како и мудрите инвестиции во недвижности, Дајана за време на својот живот собрала вистинско богатство – проценето на дури 100 милиони долари.
Бидејќи никогаш не се омажила, се претпоставува дека нејзините деца ќе го наследат најголемиот дел од нејзиното огромно богатство.
Кога станува збор за недвижности, во 2004 година купила куќа во Лагуна Бич за 7,5 милиони долари, а две години подоцна ја продала за 12,75 милиони долари. Актерката, позната по својата страст за ентериери и реновирање на домови, купила и куќа во Пацифик Палисејдс во 2012 година за 5,6 милиони долари, која ја продала во 2016 година за 6,9 милиони долари, остварувајќи значителен профит. Покрај тоа, во 2018 година купила куќа во Тусон, Аризона, за 1,5 милиони долари, а во 2020 година ја препродала за 2,6 милиони долари.
View this post on Instagram
Во еден момент, Дајана одлучила да го продаде својот „дом од соништата“ откако нејзиното здравје одеднаш се влошило кратко пред нејзината шокантна смрт. Додека приватно се борела со болеста, таа го стави својот сакан дом во Лос Анџелес на продажба во март, изненадувајќи многу од нејзините пријатели, бидејќи честопати велела дека планира да остане таму засекогаш. Дури напишала и книга за својата куќа насловена како „Куќата што ја изгради Пинтерест“.
Откако беше објавена веста за нејзината ненадејна смрт, еден од нејзините блиски пријатели открил дека актерката со години тивко се борела со прогресивен здравствен проблем, кој го чувала во строга тајност.
Фото: Принтскрин/Instagram/People
