Управата за финансиска полиција денеска спроведува координирана акција на повеќе локации, во рамки на предистражна постапка за сомнежи за финансиски криминал и проневера на буџетски средства во вредност од речиси 80 милиони денари.
Како што информираат надлежните, по наредби на судија на претходна постапка, а под раководство на јавен обвинител од Основното јавно обвинителство Скопје, овластени службени лица вршат претреси на домови и лица на повеќе адреси.
Предистражната постапка е насочена кон откривање и документирање на кривични дела од областа на финансискиот криминал, при што постојат основи на сомнение дека службени лица стекнале противправна имотна корист од големи размери, а со нивните дејствија биле проневерени буџетски средства во износ од речиси 80 милиони денари.
Во рамки на досегашните активности, по насоки на надлежниот јавен обвинител, од слобода се лишени две лица.
Од надлежните институции засега не соопштуваат повеќе детали, а се очекуваат дополнителни информации по завршувањето на истражните дејствија.
