Европската Унија денеска ќе ѝ исплати на Украина 3,3 милијарди евра наменети за набавка на ракети и беспилотни летала.
Исплатата ја најави претседателката на Европската комисија Урсула фон дер Лајен по разговорот со украинскиот претседател Володимир Зеленски.
„Денеска ќе исплатиме 3,3 милијарди евра за ракети и дронови во Украина“, соопшти Фон дер Лајен.
Зеленски разговорот со претседателката на Европската комисија го оцени како „многу продуктивен“, без директно да ја спомене новата исплата.
Тој наведе дека разговорите биле насочени кон клучните чекори за зајакнување на украинската одбрана, вклучително и обезбедувањето финансиски средства.
Поврзани вести:
МОЖЕБИ ЌЕ ВЕ ИНТЕРЕСИРА: