Ѕидот од дронови на ЕУ ќе профункционира од 2028 година

Европската унија планира изградба на „ѕид од дронови” до крајот на 2027 година, како дел од новата одбранбена стратегија. Овој проект е дел од пошироката иницијатива за модернизација на воените капацитети на ЕУ, која се фокусира на технологија за борба против дронови, воздушна одбрана и свемирска безбедност.
Целта е да се создаде мултислоен систем за откривање, следење и неутрализирање на дронови, како и за прецизни напади врз копнени цели.
Проектот ќе биде интегриран до крајот на 2027 година, а целосно функционален се очекува да биде до крајот на 2028 година.