Главниот заклучок од денешната седница на Централното претседателство на Демократската унија за интеграција е: Да се оди веднаш на предвремени парламентарни избори.
„Овој став е заеднички и на сите партнери во рамки на коалицијата Национална Алијанса за Интеграција, кои оценуваат дека по три изборни циклуси по ред – претседателски, парламентарни и локални – волјата на граѓаните е јасна, недвосмислена и во поддршка на НАИ.
Во период пократок од една и пол година, граѓаните на Македонија три пати по ред го дале своето доберба на Националната Алијанса за Интеграција, правејќи ја неоспорен победник на национално ниво, соопштија од партијата на Али Ахмети.
Како непобитни факти дека се победници на изборите тие ги наведуваат:
• На изборите за општински совети, НАИ има предност од над 23.000 гласови на државно ниво;
• Во трката за градоначалници, разликата е над 21.000 гласа во корист на НАИ;
• Според бројот на советници, НАИ има 159 советници, наспроти 122 од спротивниот политички камп;
• И, доколку парламентарните избори се одржеа истиот ден, НАИ ќе имаше 20 пратеници, наспроти 15 на политичките ривали.
„Во овој контекст, ДУИ оценува дека единствено решение за политичка и институционална стабилност на земјата се предвремените парламентарни избори. Граѓаните ја изразија својата волја три пати по ред, и секој обид да се игнорира овој факт е неразумен и антидемократски. ДУИ бара мандатот да им се врати на граѓаните. Нека одлучи народот кој ја има легитимноста да ја води државата и да го продолжи евроатлантскиот процес, еднаквото претставување и политичката стабилност“ соопштија од ДУИ.
Според нив Коалицијата ВРЕДИ боледува од синдромот на Газиместан, зборува со патетика, но губи со факти, а НАИ (коалицијата што ја предводи ДУИ) зборува со бројки, со резултати и со легитимитет потврден на секои избори.
МОЖЕБИ ЌЕ ВЕ ИНТЕРЕСИРА
