Драматична ноќ на хрватски Брач, пожарот евакуира над 200 луѓе

Големиот пожар на хрватскиот остров Брач сè уште е активен, а повеќе од 200 жители и туристи биле евакуирани во текот на ноќта. Градот Милна, каде ситуацијата била критична, е одбранет од огнената стихија, а утрово во гаснењето се вклучиле и четири канадери. Евакуираните се сместени на безбедни локации, меѓу кои спортската сала во Супетар и пасторалниот центар во Постира.

Според противпожарните служби, нема потешко повредени, но имало случаи на вдишување чад, а едно лице добило медицинска помош. Огнот во текот на ноќта се приближил до објекти во реонот на Милна, при што дел од нив биле оштетени. Пожарникарите остануваат на терен, а според последните информации нема нови отворени огнени жаришта.