Почнаа редиците на бензиските пумпи. Дел од граѓаните сметаат дека можат нешто да спасат ако наточат денеска гориво, оти од вечер на полноќ цената на дизелот се зголемува за 14,5 денари, а на бензинот за 5 денари. Регулаторната комисија за енергетика пресече, дизелот ќе чини 85,50 денари, а Еуроспупер БС-95 79,50.
Ова високо зголемување на цените е последница на војната на САД и Израел со Иран и последователното зголемување цена на сировата нафта брент достигна околу 104 долари за барел.
Инаку, викендов некои бензински пумпи во Македонија не работеа со објаснување дека се чистат резервоарите или пак дека снемале струја, а додека некои воведоа ограничување колку гориво може да се наточи. Граѓаните, тоа, особено оние кои затвораа или прогласуваа недостиг на гориво, го осудија како злоупотреба во време на криза и чекање на повисоки цени.
И денеска по објавите на новите цени некаде редовите на бензинските пумпи се долги, а некаде не точат гориво. Граѓаните, со право реагираат и го поставуваа прашањето: Дали ја чуваат нафтата купена по стара цена за да ја продаваат по повисока и каде е тука моралот и односот кон верните купувачи?
Од друга страна, премиерот Мицкоски е дециден дека нема простор за паника, оти државата има доволно резерви на нафта, а доколку е потребно владата ќе интервенира за да нема големо покачување на малопродажните цени.