Ден за одлука во Косово, ќе се избере претседател или ќе се распушти собранието

Пропадна последниот обид косовскиот парламент да избере нов претседател, откако на вчерашната седница присуствуваа само 64 пратеници од Движењето Самоопределување на премиерот Курти и нивните коалициски партнери.

За избор на претседател во првиот круг е потребно присуство и поддршка од најмалку 80 пратеници, поради што гласањето не беше успешно. Седницата беше прекината и најавено е нејзино продолжување денеска.

Опозициските партии ја бојкотираа седницата.

Според одлуката на Уставниот суд на Косово, доколку претседател не биде избран до 28 април, парламентот се распушта автоматски, а предвремените избори треба да се одржат во рок од 45 дена.