Цената на суровата нафта над 100 долари, аналитичари предвидуваат растот да продолжи ако не се смири кризата

Цената на суровата нафта на светските пазари утрово ја надмина границата од 100 долари за барел, за првпат во последните четири години.
Енергетскиот пазар е под силен притисок поради проблемите во транспортот низ Ормутскиот теснец. Низ оваа клучна поморска рута поминува 20 отсто од од глобалното снабдување со нафта и гас. Викендов само еден танкер поминал низ Ормускиот теснец, додека во нормални услови низ него дневно минуваат десетици бродови.
Аналитичарите предупредуваат дека цената на нафтата може да достигне и до 150 долари за барел доколку кризата не се смири до крајот на месецот.