Берлинскиот меѓународен филмски фестивал – Берлинале – ја објави официјалната селекција за главната конкуренција на своето 76-то издание, кое од 12 до 22 февруари ќе се одржи во германската престолнина Берлин. За престижната награда Златна мечка ќе се натпреваруваат 22 филма од целиот свет, со силен спој на авторски филмови и продукции со големи меѓународни имиња.
Годинешната селекција повторно го истакнува Берлинале како фестивал со изразен општествен и политички сензибилитет, носејќи приказни што се занимаваат со идентитетот, моќта, слободата и современите глобални предизвици. Меѓу насловите се најдоа и филмови со учество од Памела Андерсон, Ченинг Татум и Ејми Адамс што дополнително го зголемија интересот на јавноста.
За наградите ќе одлучува меѓународно жири предводено од германскиот режисер Вим Вендерс. Добитниците на Златната и Сребрената мечка ќе бидат прогласени на 21 февруари на свеченото затворање на фестивалот, кој традиционално важи за еден од најзначајните европски и светски филмски фестивали.
Поврзани вести:
МОЖЕБИ ЌЕ ВЕ ИНТЕРЕСИРА: