Барајте сенка и денеска – во Скопје до 36 степени

Денеска ќе биде сончево и топло со мала до умерена локална облачност, а наместа попладне ќе има услови за пороен дожд, грмежи и засилен ветер. Минималните температури ќе се движат од 15 до 23 степени, додека максималните ќе достигнат од 31 до 36 степени.

Во Скопје ќе биде сончево и топло со максимална температура до 36 степени и слаб до умерен ветер од јужен правец. Во новата работна седмица ќе продолжи сончевото и топло време, со можност за слаба локална нестабилност во попладневните часови.