Агенцијата за филм ќе ја поддржи со 100.000 евра кампањата за Оскар на македонскиот кандидат „Приказната за Силјан“

Агенцијата за филм на Република Македонија со 100.000 евра ќе ја поддржи кампањата за Оскар на документарниот филм „Приказната за Силјан“ на Тамара Котевска бидејќи смета дека од исклучителен национален интерес.
-Кампањата за Оскар ја поддржува „Нешенл џеографик“ (National Geographic). Целиот буџет е околу 700.000 евра, Македонија учествува со 100.000 евра што е фантастична сума во споредба со тоа каков буџет нудат регионалните фондови кои немаат ни филм што има реални шанси за Оскар, рече на прес-конференција в.д. директорот на Агенцијата за филм, Сашко Мицевски.