Нов електронски систем за евиденција и управување со барањата за листата на лекови

Промовиран денеска нов информациски електронски модул “Систем за евиденција и управување со барањата за Листата на лекови”. Во Министерството за здравство беше кажано за прв пат дека се отпочнува со дигитализација на постапката за ставање на нов лек на позитивна листа.
Модулот, како што рече министерот за здравство Азир Алиу е изработен од Управата за електронско здравство, во соработка со Секторот за фармација во Министерството за здравство и ќе биде јавно достапен на интернет страницата на Министерството (www.lekovi.zdravstvo.gov.mk). Сето ова ќе биде во функција веднаш откако ќе стапат во сила измените на прописот со кој се уредува оваа постапка, а кој се очекува деновиве да се објави во Службен весник.
Модулот овозможува електронско поднесување на барањата и внесување на неопходната документација за лекот во системот, кои што досега се доставуваа исклучиво во хартиена форма.