Недоразбирање околу крави кои правеле штети завршило со физичка пресметка во кривопаланечкото село Дрење, при што 67-годишна жена се здобила со тешки телесни повреди.
Случајот бил пријавен во полиција на 21 ноември во 9 часот, кога Д.Д. (67) од село Дрење, кривопаланечко, пријавила дека била нападната од три жени.
Според пријавеното, нападот следел по несогласување околу крави кои предизвикувале штета, а во пресметката учествувале Г.Ѓ., А.Ѓ. и уште една жена со иницијали А.Ѓ.
Повредите кај 67-годишната жена биле констатирани во Здравствениот дом во Крива Паланка, а полицијата презема мерки за целосно расчистување на случајот.
Од ОВР Крива Паланка засега не соопштуваат повеќе детали за околностите под кои дошло до нападот.
МОЖЕБИ ЌЕ ВЕ ИНТЕРЕСИРА:
