Министерката за финансии Гордана Димитриеска-Кочоска, денеска во собраниската Комисија за финансирање и буџет го презентираше Предлог – буџетот за 2027 година и нагласи дека со него се обезбедени средства за редовно функционирање на институциите, исполнување на обврските кон граѓаните, поддршка на стопанството и реализацијата на капиталните инвестиции.
Вкупните приходи се планирани на околу 6,4 милијарди евра, додека расходите ќе достигнат приближно 7,2 милијарди евра. Буџетскиот дефицит е проектиран на околу 731 милион евра, односно 3,5 проценти од БДП. За капитални инвестиции се предвидени околу 663 милиони евра.
Министерката порача дека целта е планираните средства да се трошат наменски и транспарентно, а буџетската политика да донесе конкретни резултати, развојни инвестиции и подобри услови за живот на граѓаните.
