Регулаторната комисија за енергетика донесе одлука со која се врши намалување на малопродажните цени на нафтените деривати во просек за 7,51%.
Малопродажните цени на бензините ЕУРОСУПЕР БС-95 и ЕУРОСУПЕР БС-98 се намалуваат за 7,00 ден/лит и новите цени се 86 односно 88 денари по литар.
Дизелот се намалува за 5,5 денари и новата цена за литар е
94,50 денари, додека цена на Екстра лесното масло за домаќинство (ЕЛ-1), се намалува за 6,50 денари по литар, а намалување од 6,261 денари по килограм има и кај мазутот.
О Д Л У К А за утврдување на највисоки малопродажни цени на нафтените деривати и горива за транспорт Член 1 (1) Највисоките малопродажни цени на нафтените деривати и горива за транспорт, изнесуваат:
– Моторен бензин – ЕУРОСУПЕР БС – 95 – 86,00 (денари/литар)
– Моторен бензин – ЕУРОСУПЕР БС – 98 – 88,00 (денари/литар)
– Дизел гориво – ЕУРОДИЗЕЛ БС (Д-Е V) – 94,50 (денари/литар)
– Масло за горење – Екстра лесно 1 (ЕЛ-1) – 103,50 (денари/литар)
– Мазут М-1 НС – 49,312 (денари/килограм
