Стефанија Кузмановска е новата претседателка на Социјалдемократската младина на Македонија (СДММ), откако вечерва беше избрана на 27. Изборна конференција на младинската организација на СДСМ.
Според извештајот на Кандидационата комисија, до истекот на рокот биле доставени две кандидатури. По нивното разгледување, Комисијата утврдила дека само една кандидатура ги исполнува сите предвидени услови, додека втората била оценета како неоснована.
По спроведената постапка, Кандидационата комисија едногласно ја прифатила кандидатурата на Стефанија Кузмановска, која останала единствен кандидат за претседател на СДММ.
Со изборот на конференцијата, Кузмановска официјално ја презема функцијата претседателка на младинската организација на СДСМ. Таа досега беше потпретседателка на СДММ и активно учествуваше во работата на организацијата.
