Активни пожари во повеќе општини – еден пожар ставен под контрола

До 13 часот Центарот за управување со кризи евидентирал девет пожари на отворен простор низ државата, од кои пет сè уште се активни, еден е ставен под контрола, а три се целосно изгаснати.

Според информациите од ЦУК, активни пожари има кај селото Крушеани и на потегот меѓу селата Подвис и Кривогаштани во општина Кривогаштани, во близина на Ново Село во истоимената општина, кај селото Добрејци во општина Струмица, како и кај селото Клепач во општина Прилеп.

Под контрола е пожарот што избувна меѓу општините Македонски Брод и Сопиште, во атарот на селото Белица, кој се проширил кон подрачјето Јасен.

Надлежните служби продолжуваат со активностите за локализирање и целосно гаснење на пожарите.

Поврзани вести:

Во Вашингтон се разговарало за Чебрен, Галиште и големи американски инвестиции, откри премиерот Мицкоски

Странски ловци објавуваат фотографии со застрелани елени во Македонија, повторно се отворија прашањата за ловечкиот туризам

Денеска променливо облачно и топло, температура до 32 степени

Врховен суд објасни зошто случајот „Ласкарци“ се враќа во Апелација

Општина Битола: 141 од 180 проекти веќе се реализираат

Коњановски предложи иницијатива за ограничување на користењето мобилни телефони во училиштата