67-годишен жител на Охрид го загуби животот во тешка сообраќајна несреќа што се случила на улицата „15 Корпус“, откако со мопедот што го управувал изгубил контрола и паднал на коловозот.
Според информациите од СВР Охрид, несреќата била пријавена на 17 септември околу 11:30 часот. Од засега неутврдени причини, И.Б. (67), управувајќи мопед со охридски регистарски ознаки, паднал на коловозот и се здобил со тешки повреди.
Екипа на Итната медицинска помош излегла на местото на настанот, каде лекар ја констатирал смртта на 67-годишниот маж.
По наредба на јавен обвинител, телото на починатиот е предадено на обдукција, која треба да ги утврди причините и околностите поврзани со смртниот исход.
Увид на местото извршиле јавен обвинител и увидна екипа на СВР Охрид, а надлежните институции продолжуваат со истрагата за целосно расчистување на случајот.
