Маж од Кавадарци нашол паричник, ја извадил картичката па си пазарувал: Заработи кривична пријава

ОВР Кавадарци поднесе кривична пријава против 70-годишен жител на Кавадарци поради сомнение дека сторил кривично дело „оштетување и неовластено навлегување во компјутерски системи“.

Според информациите од полицијата, пријавениот претходно пронашол туѓ паричник, по што на 5 август 2026 година без дозвола и согласност од сопственикот ја искористил платежната картичка што се наоѓала во него.

Со картичката, како што е наведено во пријавата, во четири наврати извршил плаќања, при што се стекнал со противправна имотна корист во износ од 3.729 денари.

Од ОВР Кавадарци информираат дека против лицето е поднесена кривична пријава поради основано сомнение за сторено кривично дело.

Поврзани вести:

Осумнаесетгодишен мотоциклист тешко повреден во сообраќајка во Кавадарци

Инспекторка сведочеше за отежнат пристап до кабарето „Пулс“: Не можеше да се помине од паркирани возила

Тешко повредена 76-годишна жена по удар од товарно возило во Струга

Тепачка меѓу две девојки во центарот на Скопје, кога пристигнала полицијата им се нафрлиле на службениците

Пресметка меѓу две семејства во Тетово по закани кон 22-годишна девојка

Во тек потрага по исчезнат 32-годишен скопјанец во Охрид, пронајдени му се телефонот и чамецот