Пожар оштети багер во тетовското село Глоѓе, нема повредени

Багер во сопственост на месната заедница вчера бил зафатен од пожар во близина на стадионот во тетовското село Глоѓе, информираат од Министерството за внатрешни работи.

Случајот бил пријавен на 13 септември околу 10:00 часот во Полициската станица Тетово од 44-годишен жител на селото.

Според пријавеното, во пожарот бил оштетен внатрешниот дел од работната машина, односно кабината и електричната инсталација.

Пожарот бил локализиран од пријавителот и други лица кои се нашле во близина на местото на настанот, со што било спречено негово понатамошно ширење.

Во инцидентот нема повредени лица.

Полициски екипи од СВР Тетово извршиле увид на местото, а се преземаат мерки за утврдување на причините и околностите под кои избувнал пожарот.

Поврзани вести:

Полицаец повреден при акција против криумчарење кај Блаце, бил влечен со возило при обид за приведување

53-годишен маж пронајден починат во својот дом во Аеродром

Четири лица приведени во Тетовско, полицијата пронашла марихуана и прашкасти материи

Малолетник од Велес осомничен дека физички ја нападнал својата мајка

Удрил полицаец, а од полициското возило се обидел да избега, МВР откри детали за директорот од „Царина“ фатен со 17.500 евра мито

Афера „возачки дозволи“: Кривична пријава против 27 лица за незаконско внесување категории