19-годишна девојка загина во сообраќајна несреќа во Светиниколско

Деветнаесетгодишна девојка од светиниколското село Црнилиште загина откако со автомобил излетала од локалниот пат Пиширово – Црнилиште.

Несреќата била пријавена синоќа околу 22 часот, а девојката управувала автомобил „сеат“ со светиниколски регистарски ознаки.
Од здобиените повреди таа починала на местото на несреќата, а смртта ја констатирал лекар од Итната медицинска помош.

По наредба на јавен обвинител, телото на починатата е предадено на обдукција.