Светот вечерва ќе го добие новиот фудбалски владетел. На стадионот „МетЛајф“ во Њујорк, Шпанија и Аргентина ќе се соочат во големото финале на Светското првенство 2026, во борба за највредниот трофеј во светскиот фудбал.
Селекторите Луис де ла Фуенте и Лионел Скалони веќе ги објавија стартните состави за решавачкиот натпревар.
Шпанскиот селектор одлучи да не прави промени во тимот кој ја однесе репрезентацијата до финалето. Единствената дилема беше во средниот ред, каде што Фабијан Руиз доби предност пред Педри.
Аргентина, пак, ќе започне со едно големо изненадување. Лаутаро Мартинез, кој го постигна победничкиот гол во полуфиналето против Англија, ќе остане на клупата за резерви. Во нападот покрај капитенот Лионел Меси ќе стартува Хулијан Алварез.
Шпанија: Унаи Симон; Педро Поро, Пау Кубарси, Ајмерик Лапорт, Марк Кукуреља; Родри, Фабијан Руиз, Дани Олмо; Алекс Баена, Микел Ојарзабал, Ламин Јамал.
Аргентина: Емилијано Мартинез; Науел Молина, Кристијан Ромеро, Лисандро Мартинез, Николас Таљафико; Родриго Де Пол, Алексис Мекалистер, Енцо Фернандез, Нико Гонзалез; Лионел Меси, Хулијан Алварез.
Големото финале започнува во 21:00 часот, а влогот е огромен – титулата светски шампион и место во историјата на фудбалот.
