Трагедија на Халкидики: Почина 75-годишна жена од Македонија, била извлечена од морето

Седумдесет и петгодишна државјанка на Македонија го загубила животот на Халкидики, откако била извлечена од морето во туристичкото место Неа Каликратија.

Според информациите од грчката Крајбрежна стража, инцидентот се случил вчера, по што на местото веднаш интервенирала екипа на Итната медицинска помош. Жената била пренесена во Здравствениот центар во Неа Мудања, каде лекарите констатирале смрт.

Надлежните грчки служби информираат дека е започната прелиминарна истрага за утврдување на околностите под кои настапила смртта. По наредба на Судско-медицинската служба во Солун ќе биде извршена и обдукција, која треба да ги утврди точните причини за смртта.

Случајот го истражува Втората пристанишна управа во Неа Мудања.

Поврзани вести:

Федералните агенции во САД добија наредба да го отстранат DeepSeek

Трамп подготвен за трилатерална средба со Путин и Си: Време е некој друг да преговара за Украина

Бугарски суд одобри европска потерница за двајца Германци осомничени за палење антени на „Старлинк“

Тринаесетгодишник со нож нападна наставник и ученик во училиште во Романија

Кремљ: Мировен договор не е можен без претставник од Киев подготвен да преземе одговорност

Зеленски: Над 550.000 домаќинства останаа без струја по руските напади